اقوى برنامج لتفجير عضلة الترايسبس

اقوى برنامج لتفجير عضلة الترايسبس :::::::>

خمس اخطاء يتعرض لها البعض اثناء تمرين الترايسبس :

الأول

هو عدم تمرين الثلاثة رؤوس لعضلة التراي او الثلاث زوايا :

يجب ان تعلم عضلة الترايسيبس بتتكون من ثلاث رؤوس 

1- الطويلة ( الداخلية العلوية )

2- الوسطى ( الداخلية السفلية )

3- الجانبية او الخارجية

والثلاث رؤوس شغالين معا بشكل دائم يعني مستحيل تعزل واحدة عن الثانية لكن هذا لا يمنع ان زاوية اليد في اللعب تزيد الضغط على رأس والباقيين الضغط عليهايكون اقل .

وبصراحة 90% من اللاعبين ليس لديهم فكرة اطلاقا عن التمارين اللي بتأثر على الزوايا بشكل مختلف وهذة مشكلة كبيرة ،

الحل

1- لما تكون قبضة اليد مواجهة لبعضها وذراعك مفرود وكوعك ثابت هذا بيستهدف العضلة الجانبية او الخارجية .

2- لما تكون قبضتي اليد للخارج فهذا بيستهدف اكتر العضلة الوسطى مع العلم العضلة الوسطى من اكتر الرؤوس المشاركة في جميع تمارين التراي لانك بمجرد فرد دراعك للاخر هي بتشتغل .

3- لما يكون كوعك قدام جسمك او فوق راسك فان هذا يستهدف العضلة الطويلة او الداخلية العلوية.

الثانية : 

عدم كفاءة نظام التمرين:

ان افضل نظام للتمرين هو الذي يجمع بين التمارين المركبة وتمارين العزل مع بعض ، المشكلة انك مش عارف تلعب مين الاول واي تمرين الثاني ومين في الاخر.

ممكن حد يقول هلعب هذا التمرين الاول وممكن المرة الجاية تلعبه الاخير وانت بتعمل هذا بغرض مفاجئة العضلة وهذا تمام بس فيه دايما الحلو وفي الاحلى ،

ووالاحلى :

1- التمارين المركبة مثل المتوازي وضغط البنش قبضة ضيقة العبهم الاول

2- العب اكستينشن بالدراعين مع بعض اوزان حرة , مثل البار من خلف الرأس وانت جالس او واقف , تمرين الدمبلز خلف الرأس وانت جالس (اليدين معا) اي حاجة شغال فيها دراعيك الاتنين مع بعض .

3- انهي تمارينك بالتمارين الذراع الفردي يعني تشغل ذراع وبعدين الذراع الثاني .

4 - ممكن طبعا تغير في ترتيبهم بس خلي الاساس والتغيير هو اللي على سبيل مفاجئة العضلة وهذا بيكون كل فترة .

المشكلة الثالثة:

التركيز دائما على الاجهزة والكابل الكتير يركز على الاجهزة والكابل مثلا زي ضغط الكابل لاسفل بالمثلث وبعدين بالحبل مع انك بتعمل ضغط على رأس واحدة من العضلة وتارك باقي الرؤوس. 

والحل ؟

1- العب تمرين او اثنين مركبين مع كل تمرينة تراي 

مثل :البنش ورا ظهرك ،او ضغط بالبار قبضة ضيقة .

2- حط تمرين بالبار الزجزاج وانت نايم او وانت واقف ورا ظهرك او دامبل فرنساوي في كل تمرينة 

3- لو تلعب تمرينتين ضغط لاسفل خلي واحدة بقبضة عادية والتانية بقبضة معكوسة عشان تاخد الزاويتين المختلفين عن بعض .

المشكلة الرابعة :

الفورمة الفورمة الفورمة 

الفورمة اهم حاجة عشان تقدر تعمل ضغط عالي وتركيز على التراي لازم تشتغل بفورمة عالية ، كيف ؟ 

1- الزق ذراعك في وسطك وما تشيلها من مكانها مش مهم كم ترفع المهم الاداء السليم.

2- راح توصل لتكرار معين مش هتقدر تكمل عندها ممكن تحرك كوعك لقدام شوية في الحركة السلبية وفي الايجابية ترجع مكانك. 

المشكلة الخامسة :

التمرين الزائد : لا تنسى ان التراي عضلة مساعدة في كتير من تماريننا

مثل الصدر ،مساعدة فيه بشكل كبير وفي كل تمارينه .

ايضا الكتف ، 

وفي تمرينها تلاقي الكثير يلعب لها بشكل زائد 18 او 24 مجموعة تراي ،

والمشكلة انك تلعب اليوم صدر وثاني يوم ظهر وبعده كتف وبعده باي وتراي، 

هل تعتقد ان التراي اخذت حاجتها من الراحة ؟ لا اله الا الله...

طيب والحل ؟ 

1- لازم تعرف انه ليس هدفك هو العتالة ، يعني 12 مجموعة تمام على عضلة صغيرة ونشيطة زي التراي ولو تلعبها في يوم فيه كتف او صدر ،تلعب بمجموعات اقل كمان حتى تضبطها صح وتجنبها التمرين الزايد.

2- امنحها راحة 48 ساعة او الافضل 72 ساعة بين تمرين الصدر او الكتف اللي قبلها عشان تاخد راحتها على الاخر وتقدر تلعب عليها باعلى كفاءة .

الخلاصة

1- العب تمارين تشغل الثلاث رؤوس مع بعض بضغط متساوي يعني ما تلعبش كله على زاوية واحدة بس .

2- دخل في تمارينك الاوزان الحرة دايما .

3- دخل تمرينة مركبة في كل تمرينة تراي .

4- إلزق كوعك في جنبك ما يتحركش من مكانه .

5- ما تشتغلش اكتر من 12 مجموعة لعضلة التراي .